கனவா மீன் மசாலா ---KANAVA MEEN MASAALA

தேவையான பொருட்கள் ;
கனவா மீன்                                     - 250 கிராம்
வெங்காயம்                                     -2
தக்காளி                                             -2
இஞ்சிபூண்டு விழுது                     -1 தேக்கரண்டி
மிளகாய் தூள்                                  -1 தேக்கரண்டி
மஞ்சள் தூள்                                    -அரை தேக்கரண்டி
மிளகு தூள்                                       - ஒரு தேக்கரண்டி
கரம் மசாலா தூள்                          -அரை தேக்கரண்டி
சோம்பு                                              - அரை தேக்கரண்டி 
கறிவேப்பிலை                               - சிறிதளவு
கொத்துமல்லி                                 -சிறிதளவு
உப்பு                                                    -தேவையான அளவு
எண்ணெய்                                        -தேவையான அளவு 

செய்முறை ;
கனவாமீனை சுத்தம் செய்து தனியே வைக்கவும்.கடாயில் சிறிது எண்ணெய் விட்டு சோம்பு சேர்த்து பின் வெங்காயம்,கறிவேப்பிலையை  சேர்த்து நன்கு வதக்கவும்.நன்கு வதங்கியதும் இஞ்சி பூண்டு விழுதை சேர்த்து நன்கு வாசனை வரும்வரை கிளறவும்.பின்னர் தக்காளியை சேர்க்கவும்.தக்காளி நன்கு வதங்கியதும் சுத்தம் செய்து வைத்துள்ள மீனை சேர்க்கவும்.இந்த நிலையில் மிளகாய் தூள்,மஞ்சள் தூள் ,உப்பு,கரம் மசாலா தூள்,சேர்த்து நன்கு சுருள வதக்கவும்.தண்ணீர் சேர்க்க வேண்டாம்.மீனில் உள்ள தண்ணீரே இது வேக போதுமானது.மீனிலிருந்து வெளியேறிய தண்ணீர் வற்றும்வரை நன்கு வதக்கிவிட்டு இறுதியாக மிளகுத்தூள் மற்றும் கொத்துமல்லி தழை சேர்த்து ஒரு கிளறு கிளறிவிட்டு இறக்கவும்.சுவை மற்றும் மணம் கொண்ட கனவா மீன் மசாலா தயார்.