உடல் எடை குறைக்க முயற்சிக்கும் முன் எடை அதிகரித்ததற்கான காரணத்தை ஆராய்ந்து அறியவேண்டும்.ஐந்து நாளில் பத்து கிலோ குறைக்கலாம் என்று வாயால் வேண்டுமானால் சொல்லிக்கொள்ளலாம். கீழே கொடுக்கப்பட்டுள்ள காரணங்களை தெரிந்துகொண்டு நீங்கள் முழு முயற்சி எடுத்தால் மட்டுமே அதிகப்படியான எடையை குறைக்க முடியும்.
1.உங்களுக்கு தைராய்டு பிரச்சனை இருக்கும் பட்சத்தில் தகுந்த மருத்துவ ஆலோசனை பெற்று அதற்கான மருந்துகளை உட்கொள்ளவேண்டும்.ஏனெனில் தைராய்டு பிரச்சனை இருக்கும்போது எடை குறைப்பு முயற்சிகள் பலனளிக்காது.
2.தினமும் நீண்ட தூரம் நடக்க முடியவில்லை என்றாலும் பத்துக்கு பத்து இடத்தில் எட்டு போடுவது போல் அரைமணி நேரம் நடந்து பழகுங்கள்.இது மிகவும் சிறப்பான முறை.
3.காலை உணவாக பல்வேறு தானியக்கலவைகள் சேர்த்து அரைக்கப்பட்ட சத்து மாவு கஞ்சியும்,ஒரு அவித்த முட்டையும் எடுத்து வாருங்கள்.வேறு எதுவும் தேவையில்லை .
4.மதிய உணவில் காய்கறிகள் அதிகமாகவும் உங்கள் வழக்கமான உணவுகள் குறைவாகவும் இருக்குமாறு பார்த்துக்கொள்ளுங்கள்.
5.நொறுக்கு தீனிகளுக்கு பதிலாக பழங்கள் மற்றும் கடலை மிட்டாய்,எள்ளுருண்டை போன்றவற்றை எடுத்துக் கொள்ள பழகுங்கள்.
6.தினமும் காலையில் எழுந்ததும் வெறும் வயிற்றில் வெதுவெதுப்பான நீரில் தேன் மற்றும் ஒரு தேக்கரண்டி ஆப்பிள் சீடர் வினிகர் கலந்து குடியுங்கள்.இது உங்கள் இரத்த குழாய்களில் படிந்திருக்கும் கொழுப்பை கொஞ்சம் கொஞ்சமாக கரைக்க உதவும்.
7.மனதை தளர்வாக வைத்துக்கொள்ள பழகுங்கள்.
8.எப்போதும் வெதுவெதுப்பான நீரையே குடித்து பழகுங்கள்.
இவ்வாறு நீங்கள் செய்து பழகும்போது திடீரென உங்கள் எடை குறையாமல் கொஞ்சம் கொஞ்சமாக குறைந்து உங்கள் ஆயுள் காலம் முழுவதுமே நீங்கள் அழகாய் இருப்பீர்கள்.
No comments:
Post a Comment